Be Karan Tanhaiyon Ka Silsila Reh Jaye Ga

Be Karan Tanhaiyon Ka Silsila Reh Jaye Ga,
Tere Mere Darmiyan, bas ek khala reh jaye ga

Aks beh jayen ge sare dhoop ke sailab mein
Aur koi paaniyon mein jhaankta reh jaye ga

Mujh ko mere hamsafar aisa safar dar_paish hai,
Rasta kat bhi gaya to fasla reh jaye ga

Loog soo jayen ge khamoshi ki chadar oorh kar
Chaand suny aangnon mein jagta reh jaye ga

Jo kabhi us ne parhin thin mujh se ‘nasir’ mang kar
Naam mera un kitabon mein likha reh jaye ga