Urdu Poetry - Aarzoo Shayari
Rooh Azad Ho, Majboor-e-Taqaza Na Rahay,
Hai Tamana K Mujhay Koi Tamana Na Rahay…!
Monday, 4 June 2012
Kabhi Pathar Ki Thokar Se Bhi Aati Nahi Kharash
Kabhi Pathar Ki Thokar Se Bhi Aati Nahi Kharash,
Kabhi Ek Zara Si Baat Se Insaan Bikhar Jata Hai...!
Taras Jao Ge Hamare Laboon se Sunne ko ek ek Lafz
Taras Jao Ge Hamare Laboon se Sunne ko ek ek Lafz..
Piyaar Ki baat to Kia Ham Shikayat Bhi Nahi Karainge..!
Sunday, 3 June 2012
Kahin Ishq Ki Dekhi Ibtida
Kahin ISHQ ki dekhi Ibtida,
Kahin ISHQ ki dekhi Inteha,
Kahin ISHQ Sooli pe Charh gya,
Kahin ISHQ ka Nezy pe Sir gya,
Kahin ISHQ sajdy mei gir gya,
Kahin ISHQ sajdy sy phir gya,
Kahin ISHQ dars-e-wafa bana,
Khain ISHQ husn-e-ada bana,
Kahin ISHQ ne Sanp se daswa dia,
Kahin ISHQ ne namaz ko Qaza kia,
Kahin ISHQ saife Khuda bana,
Kahin ISHQ shere-Khuda bana,
Kahin ISHQ Toor per deedar hy,
Kahin ISHQ zibah ko tayar hy,
Kahin ISHQ ne behka dia,
Kahin ISHQ ne Shah-e-Misr bana dia,
Kahin ISHQ ankhon ka Noor hy,
Kahin ISHQ Koh-e-Toor hy,
Kahin ISHQ 'tu hi tu' hua,
Kahin ISHQ 'ALLAH HOO' hua.
Saturday, 2 June 2012
Tera Husn Ho Mera Ishq Ho
"Tera Husn Ho Mera Ishq Ho"
Tera Husn Ho
Mera Ishq Ho
To Phir Husn-o-Ishq Ki Baat Ho
Kabhi Main Milon, Kabhi Tu Milay
Kabhi Hum Milain, Mulaqaat Ho
Kabhi Tu Ho Chup, Kabhi Main Hoon Chup
Kabhi Dono Hum Chup Chaap Hoon
Kabhi Guftagu
Kabhi Tazkiray
Kabhi Zikar Ho
Ko'i Baat Ho
Kabhi Visaal Ho To Din Ko Ho
Kabhi Hijar Ho To Voh Raat Ho
Kabhi Main Tera
Kabhi Tu Meri
Kabhi Sath Main
Kabhi Sath Tu
Kabhi Ek Doojay Ka Sath Ho
Kabhi Sohbatain, Kabhi Ranjishain
Kabhi Dooriyan, Kabhi Qurbatain
Kabhi Ulfatain, Kabhi Nafratain
Kabhi Jeet Ho, Kabhi Maat Ho
Kabhi PhooL Ho Kabhi Dhool Ho
Kabhi Yaad Ho, Kabhi BhooL Ho
Rahain Muskuratay Pyaar Main
Khilain Phool Ban K Bahaar Main
Na Nashaib Ho
Na Faraaz Ho
Na Nasab Ho
Na He Zaat Ho
Rahain Muskuratay Pyaar Main
Khilain Phool Ban K Bahaar Main
Na Zameen Ko'i
Na Falak Ko'i
Na Vajood Ho
Na He Zaat Ho
Tera Husn Ho
Mera Ishq Ho
To Phir Husn-o-Ishq Ki Baat Ho..!!
Dill Pak Nahi To Pak ho Sakta Nahi Insaan - Allama Iqbal
Dil Paak nahi to Paak Ho Sakta Nahi Insaan,
Warna Ibles ko bhi aate The Wusoo Ke Fraiz Bohat...!
Friday, 1 June 2012
Mujh Ko Din Bhar to Liye Phirti Hai Wehshat Meri,
Mujh Ko Din Bhar to Liye Phirti Hai Wehshat Meri,
Phir Me Soorat Ki Tarha Shaam Ko Dhal Jata Hun...!
